Vigsel i Fitjar kyrkje kl 14:00.
Me ynskjer at alle er på plass til dette tidspunktet, og ynskjer difor at alle møter opp seinast ein halvtime før vigselen.
Etter kyrkja skal brudeparet ta bileter, då kan de gjere litt som de ynskjer sjølv. Det er mogleg å køyre rett til festlokalet om ein ynskjer det. Der vert det servert velkomstbobler. Bryllaupsfesten vert i Stord Konferansesenter, adressa er Fitjarvegen 355, 5410 Sagvåg. Brudeparet kjem om lag klokka 17:00 til lokalet. Me ynskjer difor at alle er til stades i konferansesenteret seinast ein halvtime før, til klokka 16:30. Når brudeparet kjem, blir det skål for brudeparet, og bryllaupskake. Det vert og arrangert litt fotografering ute eller inne, alt etter korleis veret er. Det er fine omgjevnader ute, både nede ved vatnet/grillhytta og oppe i bakken/stallen. Det er og ein fin leikeplass for dei små om det er nokre born som treng å springe litt. Då leikeplassen ligg ved eit vatn, er det viktig at det alltid er vaksne med å passar på. Det er og eit rom inne med leiker som born kan leike på/kvile litt ut over kvelden.
Middagen vert servert om lag kl 18:00. Det vert ein treretters meny valt av brudeparet, med tilhøyrande vin eller alkoholfri drikke/ mineralvatn. Om ein ynskjer anna drikke til middagen, er det berre å gi beskjed til servitørane.
Om de ynskjer å bidra med innslag, ta kontakt med Tom Wagtskjold på telefon 905 42 624, og mail tomwagt@gmail.com . Det er gode fasilitetar på teknikk, lyd og lys, og det vil vere ein eigen teknisk person som styrer dette. Alt av bidrag som treng skjerm/lyd må vere toastmaster i hende 3.juni, og vert tilpassa format og testa kvelden før av dei tilsette på huset. Alt av talar eller innslag skal meldast til toastmaster seinast 20.mai.
Lokala har gode fasilitetar på dei fleste områda, og godt med parkering utanfor for dei som tek med bilen. Me vhar leigd inn busstransport frå festlokalet til Leirvik sentrum/hotell etter festen. Bussen vil då gå kl 02:00 når dørene stenger. Den eine bussen går via Dåfjorden, og den andre går direkte til Leirvik. Bussen kan stoppe på vegen, men køyrer ikkje omvegar.
Søndag 12. juni kl 14:00 ynskjer me å invitere dei som ynskjer til ein uformell fest på Jensaneset, med Nyborg til kais. Me tenkjer å fyre i grillen, alle kan ta med grillmat og drikke dei ynskjer sjølv. Me har tilgang til innandørs lokal, men me ser for oss å vere ute om det er vêr til det.
https://kyrkja.no/nn-NO/fellesrad/fitjar-kyrkje/
http://stord-konferansesenter.no/
Me gler oss til å feire denne store dagen med nettopp dykk!